આમંત્રણ પત્રિકા

અનંત આભ ને ચીરી ને, અનંત ધામ ને ભૂલીને,
એક ઓલિયો છે..ક અહીં લુંટાવવાને આવ્યો છે.
તો ચાલો આપણે પણ એકલપેટા મટી, સૌ સામટા ભેળા રહી,
હૈયાના પાતાળીયા કુવાને આંખો થી વરસાવતા,
અમીરસથી છલકાવવા અધીરા બનીએ.

કેવું સુમધુર છે મહંતસ્વામીનું સ્વરૂપ !
સ્વયં ધામનાં ધણીએ ધર્યું અલૌકિક રસઘન આ રૂપ !
કર્યા છે અમ સૌને નિજ સ્વરૂપ માં તદ્રૂપ !

યોગીજીનાં આ અદ્ભુત સ્વરૂપને પામવાં ને વળી માણવાં
આકાશમાં ઘનઘોર અવસર જામ્યો છે,
ત્યારે આપણે સૌ આત્માને ભીંજવવા ને સ્વરૂપને પામવા
પ્રગટ અને પ્રત્યક્ષ ગુરુરૂપ હરિનાં
૯૪માં દિવ્યાતિદિવ્ય પ્રાગટ્ય મહોત્સવમાં

આજ્ઞા-ઉપાસના રૂપી પાંખો થી સત્વરે ઇન્દોર મુકામે પહોંચીને
યોગી બાપાના આ લાડકવાયા લાલ નું ઋણ અદા કરીએ…